AP sorkar hnenah IOC-in LPG tam zawk supply dawn

Indian Oil Corpora-tion (IOC)-in Arunachal Pradesh sorkar hnena Liquefied Petrolium Gas (LPG) a supply ṭhin chu tihpun a ni dawn.

IOC Northeast region chief area sales manager, Saurabh Chaliha chuan Arunachal-ah hian LPG distributor 42 an nei mek tih sawiin, distributor 14 dang dahbelh an ni dawn tih a sawi. He thu hi AP-a Pradhan Mantri Ujjwala Yojana (PMUY) tlangzarh a hmanpuinaah sawiin, an company chuan mipuite mamawh ang tawk gas supply theih chu an tum ber a nih thu a sawi. Chaliha chuan PMUY chu BPL hmeichia te tana tih a nih thu sawiin, he scheme hnuaiah hian mi tam tak hnenah loan pek a nih tawh thu a sawi bawk.