Rijiju-a'n NSCN-K-te sorkar kuta inpe turin ngen

Union Minister of State for Home Kiren Rijiju chuan Naga hel pawl lian National Socialist Council of Nagaland-Khaplang (NSCN-K)-te chu sorkar kutah inpe turin a ngen.

Kiren Rijiju chuan Naga helte chu inlak­hran tum lo a, sorkar kuta inpe turin a ngen a, India khua leh tui dik tak an nih avangin inlakhran tum lo turin a ngen. Sorkar chuan eng lai pawhin lo let turin a duh reng a, an tan hamṭhatna pawh ngaihtuah sak a tiam a ni, a ti. NSCN-K chairman S.S. Khaplang chu Naga a ni a, Myanmar-ah inbeng belin Naga te inlakhranna turin nasa takin a bei a ni, a ti. NSCN-K ah hian India mi leh Myaanmar-a cheng Naga tam tak an awm a, heng mite hian rorelna hran duhin sorkar lakah an hel a, hei hi thil pawi tak a ni tiin, an thil tihah hian inlamleta sorkar kuta inpe tur leh khua leh tui ṭha tak ni turin a ngen bawk.

Hetih lai hian NSCN-K chair­man S.S. Khaplang chu tun hnai khan Myanmar-ah kahhlum a ni a, hei hian an pawl pawh nasa taka a nghawng rin a ni. Hemi chungchang hi Rijiju chuan sawiin, Khaplang-a thihna chuan an pawlah nghawng a nei ngei dawn a, hmarchhaka leh Myanmar hel pawl hrang hrangte pawh a nghawng ngei a rin thu a sawi. "Myanmar-ah hian Khaplang hian thil a tithei hle a, pawl neg emaw zat chuan amahah hian rinna an nghat a ni. Chuvangin inlakhran an tumna kawngah nasa takin a nghawng dawn a, Khaplang tel lo hian eng chena thui nge an kal theih dawn hriatthiam a harsa hle a ni", a ti.

Union Minister chuan hmar­chhak helpawl lian United Libe­ration Front of Assam (ULFA) chungchang sawilang bawkin, inbiakna neihpui mek an nih thu a sawi. Sorkar leh ULFA-te chu an inbiak mek thu sawiin, inremna siam a ni dawn hnai niin a sawi.