Manipur-ah LTT hel 12 inpe

Manipur-a Liberation Tigers of Tribals (LTT) helpawl member 12-te chu an ralthuam nen sorkar kutah an inpe.

Nilaini khan hel inpete pual inkhawm hi Imphal-ah buatsaih a ni a, he hunah hian hel 12-te hian chief minister N Biren Singh hnenah an ralthuamte an pe a ni. Ralthuam an pekte hi M-16 rifle pakhat, AK-56 rifle pahnih, double barrel gun pakhat, .22 rifle pakhat, 9mm pistol pahnih, Lathode pakhat, GMG pakhat, Chinese gand grenade pakhat, AK rifle mu 14 leh Kenwood radio set-te a ni.

Chief Minister chuan kawng dik zawh tuma an ralthuamte dah a, thuneitute kuta inpete chu an lo lawm tih sawiin, hel inpe duhte tan state sorkar chuan kawng a hawng reng tih a sawi. Hel dang pawh sorkar kuta an inpek belh zel a beisei thu a sawi.