Guwahati rel station-ah morphine Rs nuai 70 hu an man

Goverment Railway Police (GRP) chuan Nilaini khan Guwahati rel station-ah morphine gram 730 an man. An ruihhlo man hi international market-ah Rs nuai 70 man a ni.

GRP, Guwahati hian an thu an dawn bawhzuiin, New Delhi pan tur Rajdhani Express-a chuang, Tinsukia district mi pahnih Rajesh Kumar Singh leh Srikant Singh-te chu dapin, an kut aṭang hian ruihhlo hi a man a ni. Ruihhlo hi trolley bag-ah an dah a, Dimapur aṭanga an lakluh niin an sawi.

Nilaini vek khan GRP hian rel dangah foreign cigarette kengtu Bishal Singh an man bawk a, a cigarette an man sak hi Rs nuai li man a ni. He cigarette hi Dimparur aṭanga lalutin, Uttar Pradesh panpui a tum a ni.