Manipur-ah Nu fa 10 nei mi pathum chawimawi

Manipur-a Iramdam Kunba Apunba Lup (IKAL)-te chuan an state-a nu pathum, fa 10 ṭheuh neite chu chawimawina an hlan.

Chawimawina hlan te hi T. Sumati (41), N. Malika (55) leh S. Inakkunbi (40)-te an ni a, certificate leh cheng 10,000 ṭheuh pek an ni. IKAL-te chuan hetiang thil an buatsaih chhan hi sawifiahin, mihring chak zawka an pun zel theih nana ti an nih thu an sawi. Chhiarpui neih hnuhnung berah khan Manipur-ah hian mihring nuai 28 vel an cheng niin an sawi a, mihring pun chak chu hmasawnna atan thil pawimawh tak a ni, an ti. Hetih lai hian non-indigenous-te chuan enhran an tawk ṭhin niin an sawi a, assembly election-ah pawh an chuh ve an remtih sak ngai lo niin an sawi.