Sikkim sorkar leh British Council-te'n MoU ziak

Sikkim sorkar chuan zirna kawnga hmasawn­na turin British Council chu Thawhṭanni khan Memo­randum of understanding (MoU) a ziahpui.

MoU-ah hian Sikkim Human Resource Deve­lopment department principal GP Upadhaya chuan hming ziakin, British Council aiawhin Head of British Council, Alan Gemmell chuan hming a ziak ve bawk. Inremna ang chuan Sikkim-a educational structure tihchangtlun a ni ang a, zirna kawnga hmasawnna turin kawng hrang hrangin hma lak a ni ang. Principal Secretary HRDD G P Upadhyay chuan inremna hi Chief Minister Pawan Chamling-a'n zirna tihhmasawnna kawnga vision a lo neih ṭhin tih hlawhtlinna kawng khat a nih thu a sawi. He inremna hian ṭhalai tam tak tan chona thar a siam sak ngei a beisei thu sawiin, zirna piah lamah, skill development leh culture thlenga hmansawnna thlen thei tur niin a sawi.

Inremna hian Science, Technology, Engineering and Mathematics (STEM) leh Social Science lama hmasawna tura hmalakna te a huam tel dawn bawk a, UK University-a expert-te chuan a khat tawkin Sikkim-a College leh University-ahte zirtirna an pe ṭhin dawn a ni.