Manipur hill district-a medical college hmasa ber kuminah hawn tum

Manipur health and family welfare minister Sapam Ranjan chuan an state-a hill district-a medical college hmasa ber, Churachandpur-a mi chu kuminah hawn hman beisei a ni tih Legislative Assembly session neih mekah a sawi.

Congress MLA Surjaumar Okram-a zawhna a chhannaah, Minister chuan National Medical Commission (NMC)-in Letter of Permission (LOP) a pek veleh, Churachandpur-a medical college-ah academic session hi hawn nghal a ni dawn tih a sawi a ni. LOP hi ngaihtuah mek a nih thu a sawi bawk.

Minister chuan medical college sak meka infrastructure mamawhte pawh peihfel an ni hnai tawh tih sawiin, hmanruate pawh dah mek an nih thu a sawi. Professor lak tur pawh kumin August-ah tihfel a ni ang, a ti.

JDU MLA LM Khaute zawhna chhangin, Health Minister chuan Churachandpur District Hospital-a Multi-Drug Resistant TB Centre siamna turin Rs nuai 15 sanction a nih thu leh, hna pawh thawh mek niin zawhfel a ni thuai dawn tih a sawi bawk.