Assam : NRC coordinator thar atan Partha Mazumdar ruat

Assam sorkar chuan IAS officer, Partha Pratim Mazumdar chu National Register of Citizens (NRC) state coordinator thar atan a ruat.

Mazumdar hian July 31-a pension tur, Hitesh Dev Sharma a thlak dawn a ni. Mazumdar hi cooperative societies-a registrar leh, women and child welfare department-a secretary nilai a ni. Home and political department-ah secretary-ah transfer a ni a, NRC state coordinator post hi a chelh dawn bawk a ni.

NRC hi India khua leh tui dik takte hming chhinchhiahna a ni a, India ramah Assam state chauhin NRC hi an la kalpui a ni. Mahse kum 2019, August 31-a NRC final list a tihchhuahah, dilna thehluttu zingah mi nuai 19 vel zet hmaih an ni a, hei vang hian sawisel pawh a hlawh phah hle.