Ni 2 awh Naga Solidarity Walk buatsaih

Global Naga Forum (GNF) buatsaihin kar liam ta khan Naga-te chuan ‘One People, One Destiny’ tih thupui hmangin ‘Naga Solidarity Walk’ an nei a, tel an ṭhahnem hle.

Ni hnih awh, Naga Solidarity Walk-ah hian Nagaland-a Kohima aṭangin Manipur-a Senapati thleng kawng an zawh a, Naga hnamte inpumkhatna atan ni sa hnuaiah mi sang tel chu an hnam thuam nena inthuamin an thawk chhuak a, Zirtawpni khan Senapati ground-ah valedictory session an hmang a ni.

GNF co-convenor Prof Rosemary Dzuvichu chuan Naga Solidarity Walk chu an thlahtute aṭanga an ram mawina lawmna, ṭhangthar mi huaisen tak tak leh mithiam, culture hausa tak leh khawvel huap pawha festival hriat hlawh tak tak duang chhuaktute chawimawina a ni nghal tih a sawi. Naga hnam zawng zawngte inpumkhatna, an thlahtute ramah inlungrual taka hmabak hun ṭha zawk an neihna tur atana buatsaih a ni, a ti.