Manipur-in Private School tan policy thar duang dawn

Manipur Education Minister Th. Radheshyam chuan private school-te mumal zawka an kal theih nan state sorkar chuan policy thar a duan sak dawn tih a sawi.

Education Minister Th. Radheshyam chuan, private school-te'n zirna an kalpui dan chu a ṭha a tih thu sawiin, hetih rual hian dan hnuaiah mumal zawka an kal theih nan ruahmanna thar duan a ni dawn, a ti. He thu hi High School Leaving Certificate Examination leh Higher Secondary Examination - 2017 neih zawh taka zirlai tiṭha te chawimawina buatsaihah sawiin, zirna tihhmasawnna turin hma lak zel a ni ang, a ti. Tuna an dan hmanlai ṭhenkhat chu Board of Secondary Education Manipur duan leh hriatpui a nih thu sawiin, policy thar pawh an hriatpuina hnuaiah duan a nih tur thu a sawi.

Zirlai tiṭhate chawi­mawina hun hi MLA Khnagbok AC Okram Surajkumar, Kh. Surna­lata Devi bakah, Deputy Commissioner L. Naba­kishwar Singh leh sorkar mi pawimawh eng emaw zatin an hmanpui a ni.