Meghalaya-ah Rukruin hmeichhe kut zungṭang tan sak
Meghalaya-ah Nilaini khan rukru pakhat chuan hmeichhe pakhat chu a zungbun bun lai ruk sak a tumna lamah a kut zungṭang a tan sak.
Hmeichia hi Ialinda Warshong a ni a, Smit khua cheng a ni. A rangkachak zungbun bun lai chu rukru tu tih hriat loh hian laksak tumin a bei a, hmanraw hriam takin a kut zungṭang chawpin a tan sak ta a ni. Warshong-i hi inah amaha a awm laiin rukru hian a luhkhung a, rangkachak zungbun bakah hian, pawisa leh thil hlu dangte laksakin, a tlanbo zui a ni. Police-te chuan Warshong-i hi hospital-ah dahluh nghal a nih thu sawiin, a lu leh taksa hmun dangah te hliam a tuar tih an sawi. A hliam hi a nat avangin a ngaihtuahawm tih an sawi a, pawikhawihtu zawn hna hi thawh nghal a nih thu an sawi bawk.