Meghalaya-ah leimin vangin mi paruk thi
Meghalaya-ah kar kalta Inrinni khan leimin nasa tak a thleng a, mi paruk an thih bakah, mi dang eng emaw zatin hliam an tuar.
State Disaster Response Force (SDRF) official-te chuan he thil hi Ri-Bhoi district, Tharia area-a industrial unit-a thleng a nih thu an sawi. Inrinni zan khan chhungkaw pakhat chu an mut laiin leimin hian a hnawl tih an sawi a, chungkaw member mi panga an thih bakah, hmeichhe kum 60 mi chu a chinhriat lohin a awm tih an sawi. East Khasi Hill district-ah pawh leiminin in pakhat a hnawl a, naupang pakhat a thi. State Chief Minister Mukul Sangma chuan thi chhungte a tawrhpui thu a sawi a, industrial unit-a thuneitute chu fimkhur tura chahin, he thil thleng hi chhhui zui a nih tur thu a sawi.
He thil thlengah hian State Disaster Management Authority-te chu hma la nghal tura hriattir an ni bawk.