Tripura-ah Aadhaar leh EPIC thlunzawmna beihpui thlak

Ram pum huapa Aadhaar number leh voter identity card thlunzawmna tura beihpui thlakna chu nimin khan Tripura-ah pawh kalpui ṭan a ni.

Chief electoral officer (CEO) Kiran Gitte chuan Aadhaar leh EPIC thlunzawm hna hi thla hnih chhung kalpui tum a ni a, hei hi thil langtlang taka kalpui a, electoral roll-a dik tawk lo awm ṭhinte tihtawpna tur a nih thu a sawi.

Nakkuma assembly inthlan neihna tur, Tripura-ah hian assembly constituency 60 awmin,vote nei mi nuai 27 an awm a ni.

Gitte chuan booth-level officer (BLO)-te chuan voter-te chu in tinah kal chilhin, Aadhaar leh EPIC thlunzawm hna hi an thawk dawn tih a sawi.Voter-te chu BLO-te ṭha taka thawhpui turin a ngen bawk. Hemi rual hian voter-te Aadhaar number chu electoral roll emaw, voter slip-ah emaw tarlan tur a ni lo tih a sawi bawk.