Assam-a district 4-ah tui lian leh

Assam-ah ruah nasa taka a sur avangin district pali-ah a thawh thumna atan tui a lian leh a, tuilian hian mi 35,000 chuang a nghawng a ni.

Central Water Commission (CWC) chuan Brahmaputra lui leh a peng pariatah tui hi an tam chho leh ṭan tih a sawi a, Pagladiya leh Beki luite chuan hlauhawm chhinchhiahna an pe leh tawh bawk. Neematighat leh Tezpur bikah chuan Thawhṭanni zan khan Brahmaputra lui tui hian warning level a pel tawh bawk.

India Meteorological Department (IMD) chuan Assam leh hmarchhak hmun dangah pawh Zirtawpni thleng hian ruah nasa takin a la sur chhunzawm dawn niin a sawi.