APSC Scam : Forensic laboratory-ah answer paper 1265 endik dawn

Assam Public Service Commission (APSC) hnuia erukna sum lengvel chhuina kal zelah answer paper 1265 zet chu forensic science laboratory paruka endik a ni dawn.

Assam Police-te chuan June 6 khan APSC strong room aṭangin answer script 1265 hi an man a, heng zinga 1175 hi kum 2013 ami niin, kum 2015 exam-a answer script dah ṭhat 90 a tel bawk. Heng te hi APSC chairman hlui Rakesh Paul-a dahṭhat tir nia tarlan a ni a, heng answer sheet ṭhenkhat te hi sorkar press-ah chhu loin, a unaupa Rajesh Paul-a printing press-ah chhut a ni. Police-te chuan heng answer script-te hi uluk takin forensic science laboratory-ah endik a ni dawn tih an sawi a, hun rei loteah engkim a chinga thuai dawn niin an sawi.

APSC hnuaia main examination leh interview-ah thamna sum tam tak a leng tih hriat a ni a, sorkarin chhui tura thupek a tih chhuah hnuah APSC chiarman Rakesh Paul chu mawhphurtu berah puh a nih avangin suspend a ni a, ban a nih theih nan hman lak mek a ni. A iaawh tur hi ruat a ni tawh bawk. He thil thengah hian APSC member eng emaw zat pawh man an ni tawh a, political chal lang tak tak te pawh an inrawlh nia sawi a ni.