AP CM-in civil mi kahhlum chungchangah Sorkar laipui inrawlh turin phut

Arunachal Pradesh Chief Minister Pema Khandu chuan tun hnaia India Army-te'n Changlang district-a civil mi pakhat an kkahhlum chungchangah sorkar laipui chu inrawlh turin a phut. Changlang district-a Kongsa khaw mi Thingtu Ngemu (35) chu sipai-te hian tunge a nih fin fiah loin, hmelma emaw tiin an kap hlum a ni.

He thil hi kar kalta Nilainia thleng kha niin, helten lambun an tum nia report an dawnna hmunah an kaphlum niin, Indian Army-te chuan thu chhuah an siam. He thi thleng chungchangah hian Aruanchal Chief Minister chuan Union Home Ministry chu inrawlh turin a ngen a, mawhphurtute zawn chhuah a phut a ni. Khawtual mite chu he thil thleng chungchangah hian an lungawi lo hle a, buaina chhuakah mi eng emaw zatin hlaim an tawrh phah bawk a ni. CM Khandu chuan nunnna chan chhungte a tawrhpui thu leh hliam tuarte chu dam leh thuai tur a duh thu a lo sawi tawh. Thi chhungte hi zangnadawmna pek an nih tur thu sawiin, hliam tuarte inenkawlna pawh state sorkar-in a tumsak tur thu a sawi bawk.