Manipur- ah ruang Pali Chhar

Manipur police-te chuan Pathianni khan state chhung hmun hrang hrangah ruang pali an chhar.

Police-te chuan Imphal lui lianin a lak Paominlal Sitlhou (33) chu Imphal East district-ah a ruang an hmuh thu an sawi a, amah hi Khaochanbung khuaa cheng a ni tih an sawi. Thoubal district-a Lilong Atoukhong-ah ruang chhar a ni a, Regional Institution of Medical Sciences (RIMS) Hospital-ah enfiah tura dah a ni. Hetih lai hian Huidrom Jiten (40) ruang pawh Wabagai Pishak khuaah hmuh a ni a, hei pawh hi RIMS hospital morgue-ah endik tura lak a ni. Kum 35 mi Sanatomba pawh thiin chhar a ni a, a ruang hi Imphal West district-a Manipur College bulah chhar a ni. Police-te chuan mipuite chu chiai lo tur leh fimkhur turin an ngen.