Tripura-in MGNREGA hnuaiah award dawng

Tripura-a Dhalai leh South district-te chuan national flagship programme - Mahatma Gandhi National Rural Employment Guarantee Act (MGNREGA) an kalpui ṭhat avangin award an dawng. Award semna hi New Delhi-ah Thawhṭanni khan neih a ni. He hunah hian award 144 zet sem chhuah a ni a, Andhra Pradesh, Telangana, Kerala, Chhatisgarh, Jharkhand, Odisha, Madhya Pradesh, Rajasthan, Bihar, Sikkim, Karnataka leh West Bengal-te pawhin category hrang hrangah award hi an dawng bawk.

Hetihlai hian Sikkim Rural Management and Development Department chuan MGNREGA hnuaiah hian National Award panga zet a dawng a, state mala category pathuma award dawng thei awm chhun a ni bawk. Sikkim hian State level, District level leh Gram Panchayat level-ahte ward a la kim vek a ni.