Tripura-a Pushpabanta Palace museum-ah siam dawn

Tripura-a Pushpabanta Palace chu national-level museum leh cultural centre-ah a siam dawn a ni.

He lal in hi kum 1971-a Tripura Maharaja hlui, Birendra Kishoe Manikya-a sak a ni. Maharaja hi lemziak thiam niin, he lal in hi studio atan a hmang ṭhin.

Rabindranath Tagore khan kum 1926-a Tripura a tlawh ṭumin Pushpabanta Palace-ah hian a lo thleng tawh a, Tripura lalchhungkua nen inpawh ṭha tak nia sawi a ni. Kum 1942, May thlaa Maharaja Bir Bikram Kishore Maniky-a'n programme a neih ṭumin, Agartala-ah Tagore-a piancham vawi 80-na hi lawmsak a ni bawk. Museum atana siam a nih hunah pawh Tagore-a thuziak hrang hrangte hi pholan tum a ni.

Kum 1949-a Indian union-a Tripura a inchhun luh hnuah, acre 4.31-a zau lal in hi chief commissioner bungalow atan hman niin, a hnuah kum 2018 thleng khan Raj Bhavan atan hman a ni leh bawk.

Pushpabanta Palace hi Maharaja Birendra Kishore Manikya Museum and Cultural Centre tih a ni dawn a, state tourism minister Pranajit Sinha Roy chuan lal in cheitṭhatna atan Rs vbc 40.13 a sanction a ni. Entry gate bula secretariat building chu cloakroom, cafeteria, library leh souvenir shop atan hman a ni dawn a, Durbar Hall grounfloor chu archive store atan siam a ni bawk ang.