Assam-ah ruihhlo Rs vbc 15 hu an man

Assam police-te chuan Thawhlehni khan Karbi Anglong district-ah ruihhlo, Rs vbc 15 man hu an man, a neitu mi pathum an man tel bawk.

Bokajan Sub Divisional Police Officer (SDPO) John Das kaihhruaiin Assam police leh Central Reserve Police Force (CRPF) 20 battalion joint team chuan thu an dawn bawhzuiin, Assam-Nagaland inter-state border-a Dilai Tiniali-ah ruihhlo phurtu, Sikkim registration number Bolero an lo dap a, motor-a gear box-a secret chamber-ah heroin gram 383, morphine kg 1, metamphetamine kg 2 an man a ni. Ruihhlo neitu an man mi pathumte hi Manipur state mi vek an ni. Heng ruihhlote Manipur aṭanga West Bengal-a phurh luh an tum nia sawi a ni.

Assam police-te hian Assam-Nagaland state ramri kaltlanga ruihhlo phurhlutte hi dan tumin beihpui an thlak ngawrh hle a, tun hnaiah tam tham tak an man tawh a ni.