Assam-AP ramriah temporary checkpoint siam dawn

Assam chief minister Himanta Biswa Sarma chuan state excise department official-te cu Assam-Arunachal Pradesh ramri-ah temporary checkpoint siam turin a hrilh.

State pahnih inrinaa temporary checkpoint siam hi Arunachal Pradesh aṭanga dan loa zu leh ruihtheih thil dang lakluhte lo enfiahna atana tih a ni. Tun hnaiah Assam-ah hian Arunachal Pradesh-a tualchhung siam zu tawlhluh a ni fo a, hei vang hian Assam excise department hian sum tam tak an hloh phah a ni. Thla ruk liam ta chhung khan AP siam zu hi Assam-ah cheng vaibelchhe eng emaw zat hu man a ni tawh.

Thawhlehni khan CM Sarma hoin excise department official-te chuan review meeting an nei a ni, state excise minister Parimal Shuklabadya pawh a tel a ni.

CM chuan excise deparmtent-a grade -3 leh grade-4 category-a hna ruak awmte chu hnawhkhat turin official-te chu a hrilh bawk.