Manipur : ATSUM-in ADC Bill an duh lo

All Tribal Students’ Union Manipur (ATSUM) chuan 12th Manipur Legislative Assembly session neih meka Manipur (Hill Areas) District Councils (Sixth Amendment) Bill 2022 sixth and seventh amendment pharh chu an duh lo tih an sawi.

Tribal zirlai pawl hian state sorkar chuan Hill Areas Committee (HAC)-in Manipur (Hill Areas) District Councils Act, 1971 siamṭhatna tura a duan, Manipur (Hill Areas) Autonomous District Councils Bill 2021 zawk chu pharh turin an phut. HAC rawtna anga ADC Bill, 2021 siamṭhat turah hian Autonomous District Councils leh Hill Areas Committee tan thuneihna sang zawk pek rawt a ni. Sorkarin an thil phut hi a tihlawhtling lo a nih chuan nasa zawka nawrh huaihawt an tum thu ATSUM chuan an sawi a ni.

State sorkar chuan an state-a tribal hnamte chu fahrawn anga enin, a duhsak tawk lo tih an sawi a, Manipur police-ten an man ATSUM hruaitu palite pawh thu delhkilh awm loa chhuahtir nghal turin an phut bawk.

Zirlai pawl hruaitute man an nih avangin Thawhlehni zan aṭang khan hill dstrict-ah ATSUM hian nawrh an huaihawt a ni.