AP Governor-in Bhutan nena inlaichinna tihngheh zel a ṭul tih a sawi

Arunachal Pradesh governor Brig (Retd) BD Mishra chuan kum tam tak Arunachal Pradesh state leh Bhutan ramin inlaichinna an lo neih tawh chu tihngheh zel a ṭul thu a sawi.

Nilaini khan Governor Mishra leh Consul General of Bhutan, Jigme Thinyle Namgyal-te chu Itanagar-a Raj Bhavan-ah an inkawm a, Governor Misrha chuan AP leh Bhutan chu tradition leh culture lama inzawmna nghet tak nei a, an nunphungah pawh inanna lian tak nei anih thu a sawi. Inzawmna tihngheh zualna atan mipuite inkarah pawh inpawhtawnna siamna tura cultural leh literature exchange programme siamte a rawt bawk.

Governor hi Rajiv Gandhi University (RGU) chief rector leh North Eastern Regional Institute of Science and Technology (NERIST) Society president a ni bawk a, heng zirna in hnih leh Bhutanese University-te chuan zirlaite leh zirtirtute tan programme buatsaih ṭhin se a duh thu a sawi bawk a ni.

Bhutan Consul General hian chief minister Pema Khandu pawh a hmu a, AP chief secretary Dharmendra nen AP leh Bhutan-te insumdawn tawnna chungchang an sawidun bawk.