Nagaland Guest House sakna tura ram pek vangin TN CM lawmthu hrilh

Nagaland chief minister Neiphiu Rio chuan Tamil Nadu chief minister MK Stalin hnenah Nagaland Guest House sakna tur ram an pek avangin lawmthu a hrilh.

Nagaland sorkarin Vellore-a Christian Medical College pan ṭhin dam lo leh a hruaitute awmna tur hian guest house hi sak a tum a, he in sakna tur hian Tamil Nadu sorkar chuan Ranipet district-a Rabakkam khuaah ram, square feet 10,000-a zau a thlawnin a pe a ni.

CM Rio chuan Tamil Nadu CM Stalin hnenah lehkha thawnin, a chungah Nagaland sorkar chu a lawm takzet tih a hrilh. Guest House an sak tur chu Vellore-a dam lo inenkawl tura kalte tan a ṭangkai dawn hle tih a sawi bawk.