Kum 2014 aṭangin hmarchhakah helna 74% a tlahniam : Sorkar laipui

Sorkar laipui chuan central-a BJP-in thuneihna a chan ṭan kum, kum 2014 aṭang khan hmarchhak bialah helna avanga pawikhawihna thleng 74%-in a tlahniam a, hel kuta civil mi thihna pawh 89% in a tlahniam niin Rajya Sabha-ah a sawi.

Union minister of state for home Nitaynand Rai chuan, kum 2014 aṭang kumin July 15 thleng khan hmarchhak state-a helpawl hrang hrang mi leh sa 6,070 chu sorkar kutah an inpe tawh a, an ralthuam kawl 1,404 pawh an pe lut tel a ni, tiin a sawi.

Hmarchhak bial security dinhmun a ṭha zel a, kum 2014 nena khaikhin chuan hel pawl kuta civil mi thihna chu 89% leh sipai thi chu 60% in an tlahniam tawh a ni, tiin Minister chuan ziaka zawhna a chhannaah a sawi a ni.