CPI-M leh Congress-te'n Tripura Governor thu post dem

Tripura-a rorel lai Communist Party of India - Marxist (CPI-M) leh opposition party Congress-te chuan an Governor Tathagata Roy-a'n Hindu-Muslim chungchang a twitter-a a tarlan dan chu an dem thu sawiin, he thu a post avang hian Governor a nihna aṭanga bang turin an phut.

Governor Tathagata Roy hian tunhnai khan twitter-ah Hindu-Muslim chungchang sawiin, an inkar buaina chu 'Civil War' hmang chauha chinfel theih a nih thu a sawi a ni. Hei hi CPI-M leh Congress-te chuan duh loin, Hindu-Muslim inkara buaina chawhchhuah tumah an puh a, Governor chu bang turin an phut a ni. Ray-a ban a nih theih nan hian President Pranab Mukherjee chu hma la turin an phut tih an sawi bawk.

CPI-M state Secretary Bijan Dhar chuan, Governor thu post hi thil pawi tak a nih thu sawiin, civil and criminal case ziak lut turin Court-te a ngen. Tripura Congress Vice President Tapas Dey pawhin Roy-a chetdan chu a dem thu sawiin, thil hlauhawm tak leh Hindu-muslim inkara buaina chawkchhak thei a ni. A chetdan hi ramdanpui kalh a nih avangin a nihna aṭangin a bang tur a ni, a ti ve bawk.

Roy hian tunnhma pawhin buaina chawk chhuak thei zawngin thil a lo post tawh ṭhin nia tarlan a ni. May 20, 2015 khan Tripura Governor atan hian dah a ni.