Assam sorkar leh Tata Trusts thawk dun dawn

Assam sorkar leh Tata Trusts-te chuan cancer veite enkawlna kawnga thawkdun turin Memorandum of Understanding (MoU) an ziak.

Health and Family Welfare Minister Himanta Biswa Sarma chuan an state chu India rama cancer vei tamna ber pawl a nih thu sawiin, a vei tawhte enkawlna leh la vei ve loten an vei lohna turin hma lak mek a ni, a ti. Hemi atana Tata Trusts nen inremna ziah a ni chu lawmawm a tih thu sawiin, thawhhona

ṭha tak an neih a beisei thu a sawi. Tata Trusts-a an Managing Trustee R. Venkataramanan pawhin Assam sorkar nen thawh dunna tur inremna siam a a ni ta chu lawm awm a tih thu sawiin, kum 10-15 chhung-in cacer vei hi 50% tala an tlak hniam hman a beisei tih a sawi.

Inremna ang chuan Management Information System din a ni ang a, Tata Trusts chuan cancer vei enkawltute tan trai­ning a buatsaih sak ṭhin ang. Trainings hi Tata Memorial Hospital, Mum­­bai leh Tata Medical Centre, Kolkata-ahte neih ṭhin a ni dawn a ni. Hei bakah hian Assam-a Na­tio­nal Cancer Grid centre-ah training buatsaih a ni bawk ang.