UNC-in Naga flag zar turin ngen

United Naga Council (UNC) chuan Manipur-a Naga khaw hrang hrangte chu Naga Independent Day vawi 77-na lawmna pualin, August 14-ah Naga national flag zar turin a ngen.

UNC chuan thuchhuah siamin, Naga flag zar tura thutlukna hi kar liam ta Nilainia UNC hnuaia Naga pawl hrang hrangten an rel a ni tih a sawi. Naga flag chu Naga hnam chenna hmun hrang hrangah zar a ni dawn tih a sawi a ni.

Naga mi huaisen tam tak chu ram chhanna turin an lo martar tawh a, hei vang hian Naga mipuiten Naga ropuina puanzar a, ram dang flagte an zar ruala an hnam flag ngei an zar tel chu an tih tur leh mawhphurhna a nih thu UNC chuan a sawi. Naga ram dikna chanvo humhalhna tura beitu leh inpete chungah an lawmthu an sawi nghal bawk.