Nagaland-ah drone hmangin damdawi semchhuak

Nagaland State Disaster Management Authority (NSDMA) leh Nagaland Geographical Information System (NGIS) chuan drone hmangin Covid-19 hospital, qurantine centre leh covid care centre hrang hranga damdawi leh hmanrua mamawhte an sem chhuak. 

NSDMA OSD Johny Ruangmei chuan high-end drone pahnih hmangin mamawhte hi sawnchhuah a ni tih sawiin, heng drone-te hi NSDMA in a pek niin, NGIS hian an sem turte an tum thung a ni, a ti. Drone hi Nagaland GIS-in medical supply-na atan a siam a ni, a ti. Ṭum khatah kg 5-a rit bungrua a phur thei a, hei hi kg 25 chin phur thei tura siam tum a ni tih a sawi bawk. Kohima-a centre-ah hman­ruate hi pek niin, district dang­ah pawh kalpui theih dan zawn mek a ni tih a sawi. 

NSDMA leh NGIS hian March thla khan Kohima-ah drone hmang hian tualchhung mipuite hnenah Covid-19 hri leng mek chungchang zirtirna te an lo pechhuak tawh bawk a ni.