Tripura-a IOC LPG plant hawng

Indian Oil Corporation (IOC) chuan Tripura khawpui, Agartala-a Rs vbc 169.11 senga a siam, LPG bottling plant thar chu official-in a hawng ta.

IOC Executive Director Ganesan Ramesh chuan he plant siamna tur lungphum hi kum 2017 khan phum a ni tih sawiin, ruahman lawk angin project hi kum 2020, February thlaah zawh a ni, a ti.

Ramesh chuan, "Kum 2021, November thla aṭangin Agartala bottling plant aṭang hian commercial production ṭan a ni. He plant hi Tripura-a energy mamawh sang zel thlira siam a ni, tiin plant siamna atan hian company chuan Rs vb 169.11 ruahman a, investment pawh a la tihbelh zel dawn tih a sawi.

Agartala bottling plant aṭang hian ni khatah LPG cylinder 17,000 vel thunkhah theih a ni dawn a, hei bakah MT 1,350 vela khawlkhawm thei dawn bawk a ni.

IOC Northeast division hian hmarchhaka state pali-ah bottling plant hi pakua a nei mek. Assam-ah unit paruk awmin, Manipur, Nagaland leh Tripura-ah pakhat ṭheuh a awm bawk. Heng plant pakua aṭang hian kumtin LGP cylinder vaibelchhe 5.23 a thun khat thei a ni.