Assam-a medical college 9-na tur pawm

National Medical Commission (NMC) Assam-a Dubri-a medical college thar chu a pawm a, Assam state-a medical college pakuana tur a ni.

NCM-a Medical Assessment & Rating Board (MARB), Undergraduate Section hnen aṭanga lehkha an dawnah, academic year 2022-23 aṭangin MBBS course kalpui a remti tih sawiin, kum khatah zirlai hi 100 nei thei tur pawmsak a ni bawk.

Chief minister Himanta Biswa Sarma chuan NCM aṭanga pawmpuina lehkha an dawn hi a twitter-ah tarlangin, Dubri Medical College-a MBBS course kalpui phalsak an ni chu lawmawm a tih thu a sawi. He college hi Srimanta Sankardeve University of Health Sciences hnuaiah din a ni.

MARB hian he college thar zirchiang tura an tirh report leh, UGC expert group-in infrastructure, faculty leh facility dang chungchanga report a pekte chuan virtual hmangin an ngaihtuah a, hemi hnu hian MBBS course kalpui hi a remtihsak ta a ni.