Meghaya police-te'n GNLA mi kaphlum

Meghalaya police-te chuan South Garo Hills (SGH)-a Garo Natio­nal Liberation Army (GNLA)-te camp an bei a, hel mi leh sa pakhat an kap hlum.

Police-te hian SGH hi Thawhlehni zing khan an bei a, GNLA Commander-in-Chief Sohan D Shira chu a inthiarfihlim hman a ni. Camp-ah hian hel hi mi 20 vel an awm a, police-te puitu SF-10 commando-te nen hian an inkap zui a ni. Police chief, Abraham T Sangma chuan helte hi an nang ching tih sawiin, minute 15 chhung vel an inkah hnuah hel te hi an inthiar fihlim tih a sawi. An zing ami Ading Ch Marak chu a hmunah hian kahhlum a ni a, midang eng emaw zatin hliam an tuar nia tarlan a ni. Inkahna hmunah hian police-te chuan silai leh a mu eng emaw zat an man a, laptop leh hmanrawng dang man tel a ni bawk.