Delhi Golf Club Case : Rijiju-a'n hmala turin Delhi Police Commissioner ngen

Union Minister of state for Home Affairs Kiren Rijiju chuan tun hnaia Delhi Golf Club-a hmarchhak miin diriam a tawh chungchangah Delhi Police Commissioner Amulya Patnaik chu hma la turin a ngen.

Meghalaya hmeichhe pakhat Tailin Lyngdoh chuan Delhi Golf Club-ah Khasi traditional dress, Jainsem a inthuam avangin hmuhsit leh endawng a tawk a, club aṭang hian chhuah tir a ni. He thil thleng hi Union Minister of state Rijiju chuan pawi a tih thu sawiin, Delhi Police Commissioner Amulya Patnaik chu a ṭul anga hma la nghal turin a ngen a, hetiang thil hi thleng tawh lo se a duh thu a sawi bawk. Rijiju chuan Meghalaya Chief Minister Mukul Sangma pawh hma la turin a ngen a, he mi chungchang hi Urban Development Ministry-ah pawh a thlen tur thu a sawi.

Meghalaya Chief Minister Mukul Sangma chuan hemi chungchang­ah hian Thawhlehni khan Union Home Ministry-ah a zualko a, thubuai ziah luh a nih theih nan hma lakpui turin a ngen. He thil thleng chungchngah hian Delhi Golf Club chuan ngaihdam an dil thu an puang tawh a, he thil thleng hi pawi an tih thu an sawi. Thil diklo titu lakah hremna lek a nih tur thu an sawi bawk.

He thil hi kar kalta Pathianni-a thleng kha niin, Tailin Lyngdoh leh a thawhpui Nivedita Barthakur-te chuan sawm an nih angin Delhi Golf Club-ah hian an kal a, mahse minute 15 vel an awm hnuah chuah tir leh an ni. Chhuah tir an nih chhan hi Lyngdoh-i'n Jainsem a hak vang nia sawi a ni a, club member pahnihte chuan he hmun aṭang hian an chuah tir a ni. Heng mi pahnihte hi Scheduled Tribe Pre­vention of Atrocities Act 1989 hnuah hrem theih an ni a, an lakah hian thubuai ziahluh a ni dawn em hriat a la ni lo thung.

Meghalaya State Commi­ssion for Women Chair­person, Theilin Phanbuh chuan he thil thleng hi an dem tak zet tih a sawi a, tun hnuah chuan thleng tawh lo se a duh thu a sawi. He thil hi National Commission for Scheduled Tribes-ah thlen an tum thu sawiin, hma la turin an nawr dawn tih a sawi bawk. Meghalaya’s powerful Civil Society Women’s Organisation has urged the National Commission for Women leh Meghalaya State Women Commission-te pawhin Lyngdoh-i thlavang hi an hauh ve bawk.