Assam-a bandh huaihawtin nunphung a tibuai

All Assam Koch Rajbongshi Students’ Union (AAKRSU)-te chuan Nilaini khan Kamtapur state hran pek phutin bandh an huaihawt a, hei hian nunphung a tihkhaih lak nasa hle.

Bandh hian darkar 24 a awh a, Western Assam leh hmun eng emaw zatah dawr, sumdawnna hmun leh sorkar office-te khar a ni. AAKRSU-te chuan state hran pek an phut thu sawiin, Scheduled Tribe (ST) status pek an phut thu an sawi bawk. Bandh hian Goreswar, Abhayapuri leh Manikpur-ah pawh thlawp a hlawh ṭha hle a, pawn chhuak an tam loh bakah lirthei chevel hmuh tur a awm meuh lo. AAKRSU activist-te chuan Assam Minister Sarbananda Sonowal-a lem chuanna eng emaw zat halin, an thil phut te an auchuahpui bawk.

National Highway (NH)-31 kawngdungah lirthei ke chhia hal a ni a, hei hian Golakganj leh Bongaigaon-a lirthei veivak a ngawng buai nasa hle. AAKRSU-te chuan hunnrei tak chhung ST status pe tura an nawr tawh hnu­ah state sorkar leh sorkar laipui chuan an tihkhawtlai sak nia sawiin, an lungawi lo hle tih an sawi. State hran pek chu an duh ber a nih thu sawiin, an thilphut hi a hlawhtlin theih nan hma lak zel an tum thu an sawi bawk.

AAKRSU-te hian Kamtapur emaw Greater Cooch Behar state din a, West Bengal-a Cooch Behar, Jalpaiguri, Darjeeling, north Dinajpur, south Dinajpur leh Malda district bakah, Dhubri, Bongaigaon, Kokrajhar, Goalpara, Barpeta, Nalbari, Darrang, Sonitpur, Dhemaji, Lakhimpur leh Morigaon district-te chu state pakhata awm an phut a ni.