Eastern Nagaland-state hran phutin rally huaihawt

Eastern Nagaland Peoples’ Organisation (ENPO) chuan state hran, Frontier Nagaland siam phutin Thawhlehni khan Nagaland khawchhak lama district parukah rally an huaihawt.

ENP hi state khawchhak lam, Mon, Tuensang, Kiphire, Longleng, Noklak leh Shamator district-a tribal pawl pasarih inzawmkhawm leh pawl lian ber a ni. Nagaland sorkar chuan khawchhak lam bial a ngaihthah avangin hmasawnna hna thawh, zirna leh infrastructure lamah pawh an hnufual bik hle tih an sawi a, kum 2010 aṭang khan Frontier Nagaland siam hi an lo phut tawh a ni. Heng district parukah hian MLA 20 an awm.

Rally hi tribal headquarters hrang hrangah chawhma dar 10 aṭangin neih a ni a, boruak ṭha tak hnuaiah neih a nih thu ENPO general secretary Manpang Phom chuan a sawi. Rally neih chhung hian district parukah sumdawnna hmun, zirna leh office-te khar vek a ni.

Phom chuan state hrang phutin ENPO huaihawt hian kumtin kawngzawh huaihawt a nih ṭhin thu a sawi a, an thil phut a hlawhtlin hma chuan an nawr zui zel dawn tih a sawi nghal bawk.