Lokpriya Gopinath Bordoloi Airport-ah Radar bun dawn

Assam-a Lokpriya Gopinath Bordoloi Inter­national Airport-ah Air Traffic Control (ATC) Radar system thar bun a ni dawn a, hei hian hmar­chhak huam chhunga Air Traffic a vil thei deuh vek dawn niin, Airports Authority of India (AAI) chuan a tarlang.

Airports Authority of India chuan kum 20 chhung lo hman tawh state-of-the-art tech­nology chu he Radar system thar hian thlak a ni dawn tih a sawi. Lok­priya Gopinath Bordoloi International Airport hi Assam khawpui Gu­wa­hati-a awm niin, hmarchhaka airport lian leh changtlung ber te zinga mi a ni. AAI chuan Guwahati-ah hian Approach Control Center leh Area Control Center din a nih tur thu puangin, hmarchhak airport hrang hrangte chu thuam ṭhat a nih ang, a ti. Tuna Air Traffic Control (ATC) Radar system thar bun tur hi technololy changtlung tak hmanga thuam niin, digital signal a hmang dawn a ni.

Airports Authority of India (AAI) chuan Air Navigation Services (ANS) hmangin ram chhunga airport hrang hrangte chu thuam ṭhat a nih tur thu sawiin, heng­ah te hian Automatic De­pendent Surveillance-Broadcasting (ADS-B) equipment leh Automation Tooling Systems (ATS) hman a ni ang,a ti bawk.