KSO-te'n Manipur-ah nawrh huaihawt tum
Manipur-a zirlai pawl pakhat Kuki Students Organisation (KSO)-te chuan zirlai hruaitu Lenkholal Haokip thattu man chhuak thuai turin state sorkar an phut tih an sawi a, an thil phut hi a hlawhtling lo a nih chuan July 4 aṭanga nawrh huaihawt an tum thu an sawi.
KSO president Paothingthang chuan zirlai hruaitu rawng taka thah a ni chu pawi a tih thu sawiin, pawikhawihtute hi man chhuah thuai an duh thu a sawi. Chief Minister N Bairen Singh-a kaihhruai sorkar chu chak zawka hma la tura an phut thu sawiin, hetiang thil a thlen tawh lohna tura hma la turin an phut tih a sawi bawk. Lenkholal Haokip hi Haokip Students Organisation (HSO) president a ni a, June 23 khan a chenna Imphal West district-a Langol area-ah kahhlum a ni.