Assam-a buaina chhuakah mi 1 thi
Assam-a Goalpara district-ah kar kalta Zirtawpni khan nawrh huaihawtte leh police-te an innawr buai a, mi pakhat a thi. Nawrh huaihawtte chuan ‘D’ voters (doubtful voters) chungchanga harsatna awm mek chu chinfel thuai an phut thu an sawi a, National Register of Citizens (NRC) kalpui mek an duh khawp loh thu an auchhuahpui bawk. National Highway 37-ah nawrh hi huaihawt a ni a, police duty-te nen an innawr buai zui a ni. Police-te chuan mipui hnawhdarh nan hian silai an hmet puak a, mi pakhat a thi a ni. Goalpara Superintendent of Police Amitabh Sinha chuan nawrh huaihawta bul tumtu advocate Nazrul Islam chu man a nih thu a sawi.