Manipur-in tuilian tuar mek

Manipur chuan tun hnaia ruah sur nasa tak avangin tuilian a tuar mek a, hmun tam takah chhiatna a thleng a ni.

Nambul, Iril, Imphal leh lui dang eng emaw zat a lian a, hei hian hum tam takah inkalpawh a tihbuai phah a ni. Tuilian avang hian Uripok, Sagolband, Lamphel, Naoremthong, Iroishemba, Keisham­thong leh Mayai Lambi-ahte chhungkaw 100 chuangin chenna-in an chhuah san tawh a, harsat­na tawk mek hi mi sang chuang an awm a ni. Khawpui ṭhenkhatah chuan dawr te khar a ngai hial a, mipui vei vak pawh an tam lo hle. Uripok, Sagolband, Wahengbam Leikai, Paona Keithel, Tera leh Sayang panna kawng­pui te chu tuilian hian a chim avbangin lirthei chevel a buai phah hle.

Valley district - Im­phal West, Imphal East, Thoubal, Kakching leh Bishenpur district-te chuan tuilian avang hian harsatna an tawk nasa zual a ni. Hetih lai hian Hill area hmun tam takah ruah sur avangin leia min a, hmun ṭhenkhatah tuilian avanga harsatna tawk an awm thu tarlan a ni bawk. Kumin chhungin Manipur-ah hian ṭum thum tui a lian tawh a, tun hi a nasat ber ṭum a ni. Sorkar mi pawimawh Minister, Chief secretary leh Irrigation and Flood Control Department lama thawktute chuan chhiatna thlenna hmun hrang hrang an tlawh a, a ṭul angin chhawmdawl hna an thawk a ni.