Nagaland-ah thla ruk atan AFSPA pawtsei leh

Sorkar laipui chuan Nagaland-ah thla ruk dang atan Armed Forces (Special Powers) Act (AFSPA) pawhsei leh a nih thu a tarlang.

Nagland hi “disturbed area”-ah puan a ni a, venhimna khauh zawka kalpui a nih theih nan sipaite hnena thuneihna sang zawk pekna APSPA hi hun rei tak chhung hman a ni tawh. AFSPA hnuaiah hian sipaite chu an rinhlelh zawng dap theihna leh silai hmehpuah theihna pek an ni. Home Ministry-a joint secretary Satyendra Garg chuan Nagaland-ah hian tualthahna, inrikrapna, leh tharum thawhna bakah, hel pawlte chetna a hluar avangin AFSPA hi thla ruk dang atan pawhsei leh a nih tak thu a sawi.