AP-ah IAF Helicopter zawng mek

Chin hriat loha awm mek Indian Air Force (IAF) Helicopter chu Arunachal Pradesh-ah zawn mek a ni a, helic-opter-ah hian thawktu pathum an chuang a ni.

IAF ta Advanced Light Helicopter (ALH) hi tuilian avanga harsatna tawkte ṭanpuina atana hman a ni a, Thawhlehni khan Pilputu Helipad aṭanga a thlawk chhuak chu chin hriat lohin a awm zui a ni. Rescue team, Indian Army leh Indo-Tibetan Border Police bakah Aru-nachal Poilice-te chuan Papum Pare district-ah a zawn hna hi an thawk mek a ni. Yupia leh Hoj Telam vela ram ngawah zawn hna hi kalpui a ni a, mita hmutute chuan helicopter hi Hostalam-a Borum leh Toru area velah a tla niin an sawi.

Hetih lai hian Thawhlehni vek khan Union minister Kiren Rijiju leh passenger pasarihte chu Guwahati aṭanga Arunachal Pradesh-a Zero pana an thlawh laiin ruah sur leh chhum zing nasa tak avangin emergency-a ṭum tir an ni. Rijiju-te chuanna chopper hi Border Security Force ta niin, Itanagar-ah emergency-a ṭum tir an ni a, minute 10 vel hnuah Zero pan hian an thlawkchhuak leh thei a ni.