NESO-te'n Delhi Golf Club-a thil thleng dem

North East Students Organisation (NESO) chuan tun hnaia Meghalaya mi-in an hnam inthuama a inthuam avanga Delhi Golf Club-a harsatna tawk chu an dem thu an sawi a, he thil thleng hi chhui chian a nih theih nan National Commission for Scheduled Tribes (NCST) chu hma la turin an phut tih an sawi. NESO-te hian NCST chairperson Nand Kumar Sai hnenah an thil phut hi ziakin an thlen a, hetiang thil hi a thlen tawh lohna tura hma la turin an phut tih an sawi. June 25 khan Tailin Lyngdoh chu Delhi Golf Club-ah chaw ei turin a kal a, an hnam thuam a inbel avangin club member ṭhenkhatte chuan club aṭang hian an hnawtchhuak a ni.