Sikkim-in loneitute tan pension scheme duang

Sikkim Chief Minister Pawan Chamling chuan loneitute tan state sorkar chuan pension scheme a duan thu a puang.

He thu hi Singhithang ground-a 'Janta Mela' a hmanpuinaah a puang a ni. Janta Mela-ah hian Chief Minister Pawan Chamling chuan Melli, Namthang-Ratheypani, Poklok-Kamrang leh Namchi-Singhithang-a loneitu mi eng emaw zat tan Janta Mela token a sem bawk a ni. Chamling chuan pension scheme 'Krishi Bhatta' duan chu loneitute hamṭhatna atana duan a nih thu a sawi a, kum thar aṭangin loneitu kum 50 chuang lam chuan he scheme hi an chhawr thei dawn a ni, a ti. He scheme hi state chhunga loneitu chungkaw eng emaw zatin an chhawr ṭangkai thei dawn tih sawiin, ṭangkai taka hman a nih a beisei thu a sawi.