July 20-ah Manipur Assembly Budget Session

Manipur Assembly budget session chu July 20 aṭang hian ṭan a ni dawn.

Tun hnai khan Chief Minister Secretariat-ah cabinet meeting neih a ni a, session neih hun tur hi puan a ni. Meeting kaihruaitu Chief Minister N. Biren Singh chuan Imphal, Nambul leh Kongba lui lian avanga mi tam takin harsatna an tawh ṭhin thu sawiin, hemi venna tur hian Detailed Project Report (DPRs) siam a ni dawn a, sorkar laipuiah thlen a nih tur thu a sawi. Hills district-ah lo neia eizawng an la tam avangin ramngaw a chereu chak hle tih sawiin, hemi venna tur pawh hian hma lak a ni dawn tih a sawi. Cabinet meeting chuan Superintending Engineering (Rural Circle No. III) office din an remti bawk.