AP : Donyi Polo Airport hawn hun sawn

Arunachal Pradesh khawpui, Itanagar bula Hollongi-a Donyi Polo Airport hawn hun tur chu October thlaah sawn a ni.

State civil aviation minister Nakap Nalo chuan Director General of Civil Aviation (DGCA) aṭangin flight schedule chungchang engmah an la dawn loh avangin airport hawn hun hi sawnhlat a nih thu a sawi.

Ruahman lawk ang chuan Independence Day, vawiinah hian airport hi hawn tum a ni.

Airport-a infrastructure siam ngaite chu thawh zawh vek a ni tawh a, civil contruction pawimawh - runway, air traffic control (ATC) tower, (interim) terminal building leh a dangte siam zawh vek a ni tawh. Airports Authority of India (AAI) pawhin a enfiah tawh a, thla hmasa khan test landing pawh an lo nei tawh tih Minister chuan a sawi bawk.

DGCA chuan flight schedule hi October-ah a buatsaih dawn a, hetah hian Donyi Polo Airport hi telin, airport pawh hi hawn a ni thei dawn a ni.