Naga buaina chinfel loh chungchangah min mawhpuh thei lo ang : State BJP chief

Nagaland BJP president Temjen Imna Alonag chuan Naga political issue chinfel chu sorkar laipui chuan a duh reng a, mahse inremna siam tur hi Naga mipuiten an pawm tlan vek a ngai a ni, a ti.

Centre-a prime minister Narendra Modi kaihhruai sorkarin hun rei tak buaina neih tawh, Naga issue chinfel thuai chu a duh hle a ni tiin, Nagaland BJP hotu chuan PM Modi leh Home Minister Amit Shah-te pawhin inremna siam hi an inpeih reng a, mahse he inremna lo pawm tur hian kan inlungrual thei lo a ni, tiin a sawi. Hei vang hian Naga buaina chinfel theih loh chungchangah BJP chu mawhpuh theih a ni lo tih a sawi a ni.

"Sorkar laipui chuan theihtawpin, Nagaland mipuite tan a bei a ni, inremna siam a nih tak loh pawhin BJP dem theih an ni lo," tiin state minister ni bawk Along chuan a sawi.

Hemi rual hian chief minister Neiphiu Rio leh deputy CM Y Patton-te chu state sorkarin Naga issue buaipui tura a din, core committee-ah an awm a, buaina chingfel tur hian theihtawp an chhuah mek a ni, a ti bawk.