Sorkar leh UNC-te inbiak hun sawn

Sorkar laipui, Mani­pur sorkar leh United Naga Council (UNC)-te inbiakna neih hun tura ruahman chu vawiin hi a ni a, mahse sawn hlat leh a nih thu tarlan a ni.

Sorkar aiawh leh UNC-te hian district chung­changah inbiakna nei tur hian ruahmnna an siam a, a ni tur pawh ruat a ni. Mahse inbiakna neih tur hi sawn a nih thu tarlan a ni leh ta a, a hma pawhin inbiakna neih hun tura tih hi sawn a lo ni fo tawh. UNC-te hian Manipur sorkar-in Naga-te chenna hmun district-a a hlangkai chu duh loin nasa takin dodalna an lantir a ni. Hemi chungchangah hian inbiakna neih a ni fo tawh a, inremna siam a la ni lo. Inbiakna hi Ukhrul-ah neih tura tih niin, inbiakna neih leh hun tur tarlan a ni lo. Ministry of Home Affairs (MHA) chuan July 10-a inbiakna neih tura ruahmanna awmsa sawnhlat a nih thu hi a puang tawh bawk.