AP-ah Helicoter tlaa chuangte ruang hmu

Indian Air Force(IAF) helicopter chu kar kalta Thawhlehni khan Arunachal Pradesh-ah a tla a, helicopter-a chuang mi pathumte ruang chu kar kalta Ningani khan hmuh a ni.

Defence Ministry chuan heli­copter tla hi kar kalta Ningani khan hmuh a nih thu a lo puang tawh a, a tukah mi pathum te ruang hi helicoter tlakna hmunah hian hmuh leh a nih thu an puang. Arunachal Pradesh Police team, Indian Army, National Disaster Response Force leh Indian Air Force-te chuan a zawn hna hi ngawrh takin an thawk a ni. A tlakna hmun hi ramngaw hmun khawkrawk a nih avangin a lak chhuah hna hi thawh chak theih a ni lo a, Nilaini khan a tlakna hmun hi an thleng a, Ningani khan a tlakna hmunah hian a chhunga chuang mi pathum te ruang chu hmuh a ni leh ta a ni.

Advanced Light Helicopter (ALH) hi Arunachal Pradesh-a tuilian leh leimin avanga harsatna tawkte chhawmdawl hna a thawh laiin kar kalta Thawhlehni tlai 3.50 vel khan a tla a ni.