DAN sorkar-in Ram Nath Kovind thlawp dawn

Bharatiya Janata Party (BJP) kaihhruai NDA sorkarin presidential candidate atana an ruat Ram Nath Kovind chuan kar kalta Zirtawpni khan Nagaland a tlawh a, Chief Minister Shür­hozelie Liezietsu-a kaih­hruai Democratic Alliance of Nagaland (DAN sorkar chuan Kovind hi an thlawp tur thu an puang.

Ram Nath Kovind hian MLA leh Minister-te chu meeting a neihpui a, Chief Minister hlui TR Zeliang pawh a tel a ni. DAN sorkar chuan July 17-a India president thar thlan turah NDA candidate an thlawp tur thu hi an puang a ni.

Naga People’s Front (NPF) pawhin an thlawp tur thu an lo puang tawh bawk. Kovind hi BJP national general secretary, Ram Madhav leh NEDA national convenor Himanta Biswa Sarma-te'n an ṭawiawm a ni.