AP-ah drone-based heathcare network enchhin

Arunachal Pradesh-ah nimin khan drone hmanga damdawi semchhuah kalpuina tur chu enchhin a ni.

Drone hmanga healthcare service kalpuina tur hi East Kameng District-a Sepa khuaah neih a ni. He project atan hian startup, Redwing Labs chuan made-in-India hybrid Vertical Take-off and Landing (VTOL) drone a hmang dawn a ni. He project hi Arunachal Pradesh sorkar leh World Economic Forum-a Medicines From the Sky (MFTS)-te hmalakna hnuaiah siam a ni.

Drone network hian damlote tan out-of-pocket expenditure (OOPE) a tihtlem theih bakah, immunistation rate a ṭhat phah a, khawtlang mipuiten an chhawr ṭangkai theih beisei a ni.

East Kameng district deputy commissioner, Pravimal Abhisek chuan, "Kan district hi a tlang sang hle a, tei vel pawh a buaithlakin a bikin fur lai phei chuan a harsa hle ṭhin. Mahse drone network hian hmun kilkhawr zawkahte healtcare service a tihchak phah ngei ka ring a ni," a ti.

World Economic Forum-a hotu, Vignesh Santhanam pawhin kum 2021 kum laihawl vel khan Arunachal Pradesh-ah hian health distributing system chungchanga field study an neih thu a sawi. Hemi ṭumah hian Seppa-Bameng belt chu motor hmanga kalpawh a hautak ziate an hria a, hei vang hian mipuiten healthcare service ṭha an dawn theihna turin drone chu hman ngei a ṭul nia an ngaih thu a sawi ve bawk.